The Slumdog oscars and aftermath!

இந்தியர்களாகிய நம் அனைவருக்குமே பொதுவானதாக காணப்படும் ஒரே குணம் ஹிப்போக்ரசி (இதற்குச்சரியான தமிழ் வார்த்தை என்ன என்பதைச்சொன்னால் நன்றியுடன் அறிந்துகொள்வேன்!). மும்பை மட்டுமல்லாமல் நம் இந்தியத்திருநாட்டில் எங்கெங்கும் பரவிக்கிடக்கும் சேரிகளையும் குப்பங்களையும் முன்னேற்ற ஒருவரும் (நான் உட்பட!) ஒரு துரும்பையும் தூக்கிப் போட மாட்டோம்! ஆனால், யாரோ ஒருவர் அதை மையமாக வைத்துப் புகைப்படமோ அல்லது திரைப்படமோ எடுத்துவிட்டால் போச்சு! உடனே என்னைப்போன்ற ஒரு தேசபக்தனை நீங்கள் உங்கள் கனவிலும் பார்த்த்திருக்கமாட்டீர்கள்! அப்படி ஒரு ஆவேசம் வந்து சாமியாடி விடுவேன். ஜெய் ஹிந்த்!